చరిత్రకు స్క్రీన్ ప్లే ఉండదు ('రుద్రమదేవి' ‌ రివ్యూ)

సూర్య ప్రకాష్ జోశ్యుల చరిత్రంలో అజరామరంగా నిలచిపోయిన 'రుద్రమదేవి' చిత్రం అనగానే యుద్దాలు, వీరోచిత పోరాటాలు ఉంటాయోమో అని ఆశపడటం సహజం. అయితే గుణశేఖర్..ఓ కుటుంబ డ్రామాలాంటి కథను తెరకెక్కించాలనుకున్నాడు. 'రుద్రమదేవి' జీవితంలో ఉన్న చిన్నప్పుడే పడిన చిన్న మెలిక ( ఆ మెలిక క్రింద కథలో చూడండి) ను ఆధారం చేసుకుని కథనం అల్లు కున్నాడు. అంతేగానీ ..ఓ స్త్రీ పాలకురాలై ..చుట్టూ మొహరించి ఉన్న శత్రువులను నుంచి ఎలా తనను, తన రాజ్యాన్ని కాపాడుకుంది..ఆ క్రమంలో ఏమేం ఎత్తులు వేసింది..ఏ ఇబ్బందులు పడింది అన్నట్లు కథనం రాసుకోలేదు. దాంతో కథలో ఉన్న ఏకైక వీరోచిత పాత్ర గోన గన్నారెడ్డి (అల్లు అర్జున్) ఎప్పుడొస్తుందా..అని ఎదురుచూస్తూ కూచోవటమే ప్రేక్షకుడు వంతు అయ్యింది. ఇది గోన గన్నారెడ్డి వైపు నుంచి రాసుకున్న కథగా ఉంది కానీ 'రుద్రమదేవి' కథలాగ లేదు. అలాగే రానాను హైలెట్ చేస్తూ మొదటి నుంచి పోస్టర్స్, ట్రైలర్స్ కట్ చేసారు. అయితే సినిమాలో రానాకు అసలు ప్రయారిటీనే లేదనేది సుస్పష్టం. రుద్రమదేవి(అనుష్క) పుట్టేటప్పడికి కాకతీయ సామ్రాజ్య పరిస్దితులు బాగోలేవు... ఓ ప్రక్క దాయాదుల నుంచి, మరో ప్రక్క శత్రువుల నుంచి రాజ్యానికి ముప్పు ఉంది. మగపిల్లవాడు పుడితే తమ వారసుడుగా ఏలుతాడు అనుకుంటే పుట్టింది ఆడపిల్ల అని తెలిసి రాజు గణపతి దేవుడు(కృష్ణం రాజు) నిరాశపడతాడు. వారసుడు లేడు అని తెలిస్తే వెంటనే వారంతా దండెత్తే అవకాసం ఉందని ఏం చేయాలో అని ఆలోచనలో పడితే అప్పుడు ఆయన మంత్రి శివ దేవయ్య(ప్రకాష్ రాజ్) ఓ సలహా ఇస్తాడు. బయిట ప్రపంచానికి తెలియకుండా ఆమెను మగపిల్లాడిలా నమ్మిస్తూ పెంచమంటాడు. ఆ క్రమంలో ఓ కొడుకులాగ రుద్రమదేవిని పెంచుతాడు. ఆమె పెరిగి పెద్దయ్యాక వివాహం సైతం ముక్తాంబ(నిత్యామీనన్ )ని ఇచ్చి చేస్తారు. ఇదే సమయంలో బందిపోటు గోన గన్నారెడ్డి (అల్లు అర్జున్) రుద్రమదేవితో పోరుకు సై అంటాడు. అప్పుడు ఏం జరిగింది...రుద్రమదేవి...మగపిల్లాడు కాదు...స్త్రీ అనే విషయం ఎలా రివీల్ అయ్యింది. ఆమెను ప్రేమించిన వీరభధ్రుడు (దగ్గుపాటి రానా) ఏం చేసి ఆమెను పొందాడు...రుద్రమదేవి తన ముందున్న సవాళ్ళను ఎలా ఎదుర్కొని వీర నారి అయ్యింది అనే విషయాలు తెలియాలంటే సినిమా చూడాల్సిందే. తొలి నుంచి పౌరాణికాలు వచ్చినట్లుగా మన తెలుగులో చారిత్రక కథాంశాలతో వచ్చిన చిత్రాలు చాలా తక్కువ. బొబ్బలి యుద్దం, తాండ్ర పాపారాయుడు, అల్లూరి సీతారామరాజు,కొమరం భీమ్, ఇలా తెలుగు జాతి చరిత్రను చెప్పేవి అరుదు. ఎందుకంటే చరిత్రను తెరకెక్కించేటప్పుడు చాలా నిబద్దత అవసరం. ముఖ్యంగా కల్పనకు చోటు తక్కువ ఇవ్వాల్సి ఉంటుంది. దాంతో సినిమాటెక్ ట్విస్ట్ లు, కమర్షియల్ ఎలిమెంట్స్ కు మార్గం ఉండదని దర్శకులు భావిస్తూంటారు. అయితే చాలా కాలం తర్వాత దర్శకుడు గుణశేఖర్...మనదైన చరిత్రలో నిలిచిపోయిన వీరనారి ..'రుద్రమదేవి' ‌ చరిత్రను తెరకెక్కించాలని అనపించి, కష్ట నష్టాలకు ఓర్చి తెరకెక్కించాడు. అందుకు ఆయన్ను ముందుగా మనస్పూర్తిగా అభినందించాలి. అయితే ఆయన ఈ తెరకెక్కించే ప్రాసెస్ లో సరైన స్క్రీన్ ప్లేను సమకూర్చుకోవటం మర్చిపోయాడు. అయితే చరిత్ర ...మన తెలుగు స్క్రీన్ ప్లే ను అనుసరించటం కష్టమే అయినా...మరింత ఆ విభాగంలో కష్టపడితే బాగుండేది అనిపిస్తుంది. అలాగే ఆ వీరనారి సాహసకృత్యాలను ,వీరోచిత పోరాటాలను కూడా మరింత సమర్దవంతంగా చూపించాల్సిన అవసరం ఉందనిపిస్తుంది. కానీ దర్శకుడు కాన్సర్టేషన్ మొత్తం అల్లు అర్జున్ చేసిన ఎపిసోడ్ మీద ఉన్నట్లుంది. గోన గన్నారెడ్డిగా ఆ పాత్ర బాగా ఎలివేట్ అయ్యింది. ప్రకాష్ రాజ్ ఫెరఫార్మెన్స్, కొన్ని విజువల్స్ లేకపోతే నీరసపడ్డ సెకండాఫ్ ని లాక్కెళ్లటం కష్టమయ్యేది. ముఖ్యంగా ఈ సినిమాలో యాక్షన్ ఎపిసోడ్స్ మరింత ప్రతిభావంతంగా తెరకెక్కించాల్సిన అవసరం ఉంది. మిగతా రివ్యూ స్లైడ్ షోలో... ఫైనల్ గా 'రుద్రమదేవి' అనేదానికన్నా ఈ సినిమాకు గోన గన్నారెడ్డి అనే టైటిల్ పెట్టి అల్లు అర్జున్ ఎపిసోడ్స్ పెంచితే బాగుండును అనిపిస్తుంది. ఓ గొప్ప చిత్రం చూడబోతున్నాం అని ఎక్సపెక్టేషన్స్ తో కాకుండా మన జాతికి సంభందించిన ఓ చారిత్రక చిత్రం చూస్తున్నాం...అని వెళితే అంతగా నిరాశపరచదు. అలాగే.. అల్లు అర్జున్..'గమ్మునుండవో..' అంటూ సాగదీసి చెప్పే డైలాగ్ కోసం కూడా చూడవచ్చు. రేసుగుర్రంలో ద్యాముడా డైలాగులా ఇదీ పాపులర్ అవుతుంది. Source: telugu.filmibeat.com వాస్తవానికి రుద్రమదేవి కథ మనలో చాలా మందికి కొత్తమీ కాదు. చిన్నప్పుడు పాఠాల్లో చదువుకున్నదే...తమదైన శైలిలో చదువుకునేటప్పుడు, టీచర్లు చెప్తూంటే విన్నప్పుడు విజువలైజ్ చేసుకున్నదే. అలాంటి ఎక్కువ మందికి తెలిసున్న కథని తీసుకున్నప్పుడు స్క్రీన్ ప్లేనే మ్యాజిక్ లు చేయాలి, అదే జరగలేదు ఇలాంటి చిత్రంలో విజువల్స్ స్టంన్నింగ్ గా ఉండేలా ప్లాన్ చేసుకోవాలి. ముఖ్యంగా మొన్నే బాహుబలి చూసిన ప్రేక్షకులకు వెలితి తెలియకుండా యాక్షన్ ఎపిసోడ్స్ అద్బుతంగా ఉండాలి. ఇవన్ని గుణశేఖర్ దృష్టిలో పెట్టుకున్నట్లు లేదు. సినిమా చిరంజీవి వాయిస్ ఓవర్ తో రుద్రమదేవి చరిత్రను కొద్దిగా పరిచయం చేస్తూ ..ఇంటెన్స్ గా మొదలవుతుంది. ఇంటర్వెల్ వచ్చేసరికి గోన గన్నారెడ్డిగా అల్లు అర్జున్ వేడిక్కిస్తాడు. క్లైమాక్స్ కొన్ని లెంగ్తీ ఎమోషన్ సీన్స్ తో ..సీక్వీల్ తీస్తామని చెప్తూ ముగిసేలా ప్లాన్ చేసారు. కేవలం గోన గన్నారెడ్డి పాత్రకు ఓ ట్విస్ట్ పెట్టుకుని అదే సరిపోతుందనికున్నారు. చారిత్రంగా జరిగిన కథకు సమకూర్చిన స్క్రీన్ ప్లే చాలా సినిమాటెక్ గా సాగింది. పాత్రల్లో ఎక్కడా బలం ఉండదు. బాహుబలి (పోలిక కాదు కానీ) ఏమేమి ప్లస్ అయ్యాయో (కీ క్యారక్టర్ల క్యారక్టరైజన్స్, యాక్షన్ ఎపిసోడ్స్) అవే ఇక్కడ మైనస్ అయ్యాయి. గోన గన్నారెడ్డి (అల్లు అర్జున్) పాత్ర సినిమాకు హైలెట్ గా నిలిచింది. ఈ పాత్ర ద్వారా చెప్పించిన డైలాగ్స్ , బాడీ లాంగ్వేజ్, మేనరిజం, స్క్రీన్ ప్రెజెన్స్ అన్ని బాగా కుదిరాయి. అల్లు అర్జున్ పాత్ర నిలబెట్టిందనే చెప్పాలి. అరేయ్ 'గమ్మునుండవో..' అంటూ సాగదీసి చెప్పే డైలాగ్, నేను తెలుగు భాష లెక్క..ఆడా ఉంటా..ఈడా ఉంటా, కోడలికి నీతులు చెప్పి అత్త ఉడాయించిందంట..లాంటి డైలాగులకు సినిమాలో మంచి రెస్పాన్స్ వచ్చింది. అలాగని మొత్తం డైలాగులు అధ్బుతంగా ఉన్నాయని చెప్పలేం. అనుష్క ఇంట్రడక్షన్, అల్లు అర్జున్ ఇంట్రడక్షన్ రెండూ చాలా బాగా డిజైన్ చేసారు. సినిమాలో చెప్పుకోదగ్గ ఎలిమెంట్స్ లో అది ఒకటి ఈ సినిమాకు పెద్ద మైనస్ సంగీతం అని చెప్పాలి. పాటలు, రీరికార్డింగ్ రెండూ ఇబ్బంది కలిగిస్తాయి. ఇళయరాజా అభిమానులు ఆశ్చర్యపోయేలా ఉంది అన్ని డిపార్టమెంట్స్ లోకి తోట తరణి గారి కళా దర్శకత్వం, కాస్ట్యూమ్స్ విభాగం సినిమా జానర్ కు తగినట్లు ఉన్నాయి. సినిమాటోగ్రఫీ లో వావ్ అనిపించే ఒక్క మూవ్ మెంట్ ఉండదు. ఎడిటింగ్ గురించి చెప్పుకోకుండా ఉంటేనే మేలు. బ్యానర్ :గుణ టీమ్ వర్క్స్ నటీనటులు: అనుష్క, దగ్గుపాటి రానా, అల్లు అర్జున్, సుమన్‌, ప్రకాష్‌రాజ్‌, నిత్య మేనన్‌, కేథరిన్‌, ప్రభ, జయప్రకాష్‌రెడ్డి, ఆదిత్య మేనన్‌, అజయ్‌ తదితరులు సంగీతం: ఇళయరాజా, కళ: తోట తరణి, ఛాయాగ్రహణం: అజయ్‌ విన్సెంట్‌, మాటలు: పరుచూరి బ్రదర్స్‌, ఎడిటింగ్: శ్రీకర్ ప్రసాద్ పాటలు: సిరివెన్నెల సీతారామశాస్త్రి, సమర్పణ: రాగిణీగుణ. కాస్టూమ్స్ : నీతా లుల్లా(జోధా అక్భర్ ఫేం), విఎఫ్ ఎక్స్ : కమల్ కణ్ణన్, మేకప్ : రాంబాబు, నిర్మాత-కథ-స్ర్కీన్ ప్లే-దర్శకత్వం : గుణ శేఖర్. విడుదల తేదీ: అక్టోబర్ 9, 2015

కొన్ని ఫైట్స్, కొంతే కామెడీ ... ('బ్రూస్ లీ' రివ్యూ)

బ్రూస్ లీ

సూర్య ప్రకాష్ జోశ్యుల మొదటినుంచీ శ్రీను వైట్ల సినిమాలంటే యాక్షన్ కామెడీలకు, కాస్తంత ఫ్యామిలీ ఎమోషన్స్ తిరగమోత పెట్టి వడ్డిస్తాడని తెలిసిందే. దాంతో కామెడీ పండితే అది 'దూకుడు' లేకపోతే 'ఆగాడు' అవుతోంది. అలాగే తను మొదలు పెట్టిన ఫార్మెట్ ని మార్చకుండా హీరోలను మాత్రమే మారుస్తూ వస్తున్నారు. అదే స్కీమ్ లో ఇప్పుడు రామ్ చరణ్ తో విలన్ ఇంట్లో హీరో చేరి అతన్ని ఇబ్బంది పెట్టి, ఆట కట్టించే కథనే కొంచెం అటూ చేసి తీసాడు. బ్రహ్మానందంని ఎప్పటిలాగే సెకండాఫ్ కు తెచ్చాడు. ఇంకొంచెం బలంగా ఉంటుందని The Valet (2006) అనే ఫ్రెంచ్ సినిమాని సైతం తీసుకు వచ్చి కలిపారు. అలీ తో అమీర్ ఖాన్ ..పీకే స్పూఫ్ చేసారు. జయప్రకాష్ రెడ్డి చేత డ్యూయిల్ రోల్ వేయించి కామెడీ చేయించారు. ఇలా ఎన్ని కలిపినా ఎన్ని చేసినా సెకండాఫ్ సోసోగానే సాగి,డ్రాప్ అవుతూ వచ్చింది. అనుకున్న స్ధాయిలో బ్రహ్మీ కామెడీ పేలి ఈ సారి శ్రీను వైట్లను కాపాడలేదు. రామ్ చరణ్ క్యారక్టర్ కు సినిమాలో సరైన సమస్య ఇచ్చే నెగిటివ్ పాత్ర లేకపోవటంతో నీరసపడిపోయింది. అయితే రామ్ చరణ్ మాత్రం నటుడుగా, స్టైల్స్ లోనూ, డైలాగు డెలవరీలోనూ అదరకొట్టారు అని చెప్పటం లో సందేహం లేదు. ముఖ్యంగా డాన్స్ లకు అతను వేసే స్టెప్స్ చాలా బాగున్నాయి. అలాగే సినిమా చివర లో సినిమాని సేవ్ చేయటానికా అన్నట్లు చిరంజీవి ఎంట్రీ...ఆయన చెప్పే...జస్ట్ టైం గ్యాప్ మాత్రమే..టైమింగ్ లో మాత్రం కాదు అనే డైలాగు హైలెట్. అందరూ లక్ష్యం వైపే పరుగెడతారు...కొందరు మాత్రమే తన వాళ్ల కోసం నిలబడతారు..అటువంటి వారిలో ఒకడు బ్రూస్ లీ (రామ్ చరణ్). అక్క (కీర్తి కర్బంద) అంటే ప్రాణంగా పెరిగిన బ్రూస్ లీ... చిన్నప్పటి నుంచీ ఆమె కోసం తన చదువును,కెరీర్ ని సైతం త్యాగం చేస్తాడు. ఆమె కలెక్టర్ కావాలని తన తండ్రికి ఇష్టం లేకపోయినా చదువుకు ఫుల్ స్టాఫ్ పెట్టి స్టంట్ మ్యాన్ గా లైఫ్ ప్రారంభిస్తాడు. అంతేకాకుండా తప్పుడు కేసు పెట్టి తన అక్క కలెక్టర్ అవ్వాలనే లక్ష్యంకు అడ్డుపడబోయిన దీపక్ రాజ్ (అరుణ్ విజయ్)కు బుద్ది చెప్తాడు. ఇలా అక్క...తను అన్నట్లు నడుస్తూండగా.. ఓ ట్విస్ట్. తన తండ్రి (రావు రమేష్) పని చేసే సంస్ధ యజమాని జయరాజ్(సంపత్ రాజ్), నదియాల కుమారుడుతో వివాహం నిశ్చియం అవుతుంది. అయితే జయరాజ్ పైకి కనిపించినంత మంచి వాడు కాదు. అతనికో దుర్మార్గమైన ఫ్లాష్ బ్యాక్ ఉంటుంది. అది దాచి పెద్దమనిషిలా చెలామణి అవుతూంటాడు. అది తెలిసిన హీరో...ఆ విషయాన్ని ఎలా బయిటపెట్టి, విలన్ కు ఎలా బుద్ది చెప్పాడు. కథలో రియా (రకుల్) పాత్ర ఏమిటి... చిరు ఎంట్రీ ఏమిటి అనే విషయాలు తెలియాలంటే సినిమా చూడాల్సిందే. 'బ్రూస్ లీ' ఎనౌన్స్ చేయగానే చాలా మందిలో ఒకే ఆలోచన...శ్రీను వైట్ల ఫార్మెట్ లోకి వచ్చి రామ్ చరణ్ చేస్తాడా...లేక రామ్ చరణ్ పంధాలోకి వెళ్లి శ్రీను వైట్ల సినిమా చేస్తాడా అని...అయితే రామ్ చరణ్ మాత్రం దర్శకుడుకే గౌరవం ఇచ్చి...ఆయన ఫార్మెట్ లోకే వెళ్లి సినిమా చేసాడు. ముఖ్యంగా కథకు గానీ, హీరోకు గానీ సరైన లక్ష్యం ఏర్పాటు చేయటంలో విఫలమయ్యారు. దాంతో సినిమాలో ఎక్కడా విలన్ కు, హీరో కు మధ్య కాంప్లిక్ట్ అనేది లేకుండా పోయింది. విలన్ కు అసలు ...ఫలానా వాడు హీరో తనను ఇరికించబోతున్నాడనే విషయం తెలిసే సరికే సినిమా క్లైమాక్స్ కు వచ్చేస్తుంది. ఆ క్లైమాక్స్ అయినా సవ్యంగా ఉందా అంటే పాత చిరంజీవి సినిమాల్లో లాగ...విలన్ చేసే కిడ్నాపులు(హీరోయిన్ ని, హీరో తండ్రిని) తో నిండిపోతుంది. విలన్ వల్ల తనకు కానీ తన కుటుంబానికి గానీ (ఇది ఫ్యామిలీ సినిమా కాబట్టి) లేదా తనను నమ్ముకున్న జనాలకు కానీ ఇబ్బంది కలిగినట్లు ఎక్కడా చూపరు. అతను విలన్ కాబట్టి హీరో వెళ్లి అతని అసలు రూపం బయిటపెట్టాలి అంతే అన్నట్లు రాసుకున్నారు సీన్స్. ఓ క్రిమినల్ సెకండ్ వైఫ్ ని బయిటపెట్టి ప్రపంచానికి తెలియచేస్తే ఎంత తెలియచెయ్యకపోతే ఎంత..అతని క్రిమినల్ లైప్ ని బయిటపెట్టి అంతమొందించాలనేది పట్టించుకోలేదు. హైలెట్స్, మైనస్ లు స్లైడ్ షోలో... ఫైనల్ గా... రామ్ చరణ్ డాన్స్ లు కోసం, చిరంజీవి ఎంట్రీ సీన్ కోసం తప్పక చూడదగ్గ సినిమా. అంతేకానీ ఎప్పటిలాగే శ్రీను వైట్ల ఇరగతీసే కామెడీ తీసుంటాడు అని వెళ్తే మాత్రం ఆకట్టుకోదు. (గమనిక: వినోదం, అసభ్యం లేకపోవటం, సాంకేతిక విలువలు, కథన నైపుణ్యం తదితర అంశాల ఆధారంగా మా రేటింగ్ ఉంటుంది) Source: telugu.filmibeat.com రామ్ చరణ్ ఇంట్రడక్షన్ పోలీస్ డ్రస్ లో చాలా బాగుంది. పోలీస్ గా ఎంట్రీ ఇచ్చి చేసే ఫైట్, దాని కంటిన్యూషన్ మిస్ అండర్ స్టాండింగ్ సీన్స్ కూడా హైలెట్ అయ్యాయి. సినిమాలో బాగా వర్కవుట్ అయిన వాటిలో సిస్టర్ సెంటిమెంట్ సీన్స్, తండ్రి,కొడుకు ల సీన్స్ . కృతి కర్బంద, రామ్ చరణ్ పోటీ పడి చేసారు. రావు రమేష్ పాత్ర సినిమాలో బాగా పండింది. రామ్ చరణ్ ...క్లైమాక్స్ లో వచ్చిన చిరంజీవితో ఓ డైలాగు అంటారు..చివర్లో వచ్చి సేవ్ చేసారు అని... అదే రీతిలో చిరంజీవి లుక్, ఎంట్రీ ఎనర్జీ తో ఉంటుంది. ప్రీ క్లైమాక్స్ లో వచ్చే బోట్, ఫైట్ సీక్వెన్స్ బాగా రెస్పాన్స్ వచ్చింది. అలాగే హీరో ఇంట్రడక్షన్ ఫైట్ సీన్ కూడా బాగా డిజైన్ చేసారు. డాన్స్ లు కూడా రామ్ చరణ్ దుమ్మురేపాడనే చెప్పాలి సినిమా మొదట్లో సినిమా హీరోగా బ్రహ్మాజీ మీద చేసిన ఫన్ బాగుంది. గతంలో దుబాయి శ్రీను... ఎమ్ ఎస్ నారాయణ మీద చేసిన పాత్ర గుర్తుకు వస్తుంది. అయితే బ్రహ్మాజీ ఎప్పుడూ ఓ స్వామిజీ దయ అంటూ చెప్తూంటారు. ఆ స్వామీజిని సెకండాఫ్ లో ఏమన్నా ఎంట్రీ ఇస్తారేమో అనుకున్నారు అంతా...అయితే అది కనపడలేదు. ఇక ఎప్పుడూ బ్రహ్మానందం పాత్రను అదరకొట్టే రీతిలో మలిచే శ్రీను వైట్ల ఈ సారి ఆ పాత్రను పెద్ద మైనస్ చేసారు. అండర్ కవర్ కాప్ గా బ్రహ్మానందం నవ్వులు పండించకపోగా బోర్ కొట్టించాడు. అలీ అయితే ఎందుకు పీకే స్ఫూఫ్ చేసారో ఆయనకే తెలియాలి. జబర్దస్త్ టీమ్ తో చేసిన కామెడీ అయితే శుద్దం వేస్ట్. ఉన్నంతలో సప్తగిరి పంచ్ లు పేలాయి. పోసాని, ఫృద్వీ జస్ట్ ఓకే అనిపించారు. నదియా పాత్రకు డెప్త్ లేదు. చిరంజీవి అయితే ఇరవై ఏళ్లు వెనక్కి వెళ్లినట్లు అనిపించారు. రకుల్ ప్రీతి సింగ్ చాలా గ్లామర్ గా కనిపించింది. రామ్ చరణ్ కు మాత్రం ఇది కొత్త పాత్రే. విలన్ గా చేసిన అరుణ్ విజయ్ లుక్ పరంగా చాలా బాగున్నారు. సంపత్ రాజ్ ఎప్పటిలాగే తన పాత్రకు న్యాయం చేసారు. ఈ సినిమా లో సాంకేతికంగా ఎక్కువ మార్కులు సినిమాటోగ్రాఫర్ మనోజ్ పరమహంస కే పడతాయి. ఫస్టాఫ్ లో ఎడిటర్ స్పీడు కనపడుతుంది. సెకండాఫ్ లో అది ఎందుకనో మందగించింది. యాక్షన్ ఎపిసోడ్స్ కూడా చాలా బాగా డిజైన్ చేసారు నాన్న గారి ఉప్పు తిన్నాను...తప్పు చేయలేను, క్యారక్టర్ లో కంటెంట్ ఉండాలి కానీ టెంట్ వేసుకుని కూర్చుంటాను వంటి కోన వెంకట్ డైలాగులు అద్బుతం కాదుకానీ బాగానే పేలాయి. స్క్రీన్ ప్లే నే నాశిరకంగా కూర్చుకోవటంతో సెకండాఫ్ తేలిపోయింది. సంగీత దర్సకుడు తమన్ తన పాటలుతోనే కాకుండా , బ్యాక్ గ్రౌండ్ స్కోర్ తో కొన్ని సీన్స్ లేపి నిలబెట్టాడు. మెగా మీటర్ సాంగ్ కు, కుంగుఫూ కుమారి పాటకు ఓ రేంజిలో రెస్పాన్స్ వచ్చింది. బ్యానర్: డీవీవీ ఎంటర్‌టైన్‌మెంట్‌ నటీనటులు: రామ్‌చరణ్‌, రకుల్‌ప్రీత్‌ సింగ్, రావు రమేష్, సప్తగిరి, బ్రహ్మానందం, కీర్తి కర్బంద, సంపత్ రాజ్, అలీ, నదియా, అరుణ్‌ విజయ్‌ తదితరులు. కథ: కోన వెంకట్‌, గోపీమోహన్‌, మాటలు: కోన వెంకట్‌, ఛాయాగ్రహణం: మనోజ్‌ పరమహంస, కూర్పు: ఎ.ఆర్‌. వర్మ, కళ: నారాయణరెడ్డి, ఫైట్స్‌: అణల్‌ అరసు, సమర్పణ: డి. పార్వతి, మూలకథ, స్ర్కీన్‌ప్లే, దర్శకత్వం: శ్రీను వైట్ల. విడుదల తేదీ: 16,అక్టోబర్ 2015

భళ్లాల దేవుడి భార్యగా శ్రియ?

మూడు పదుల వయసు దాటినా ముదురు భామ శ్రియ.. ఇప్పటికీ సీనియర్ హీరోల సరసన క్రేజీ ఆఫర్లు అందుకుంటోంది. అందులో భాగంగా తాజాగా అమ్మడు ఓ బంపర్ ఆఫర్ కొట్టేసిందని సమాచారం. బాహుబలి రెండో భాగంలో ఓ కీలక పాత్ర కోసం శ్రియను ఎంపిక చేశారని వినిపిస్తోంది. బాక్సాఫీసును షేక్ చేసిన బాహుబలికి సీక్వెల్ గా బాహుబలి పార్ట్-2 తెరకెక్కిస్తున్నాడు జక్కన్న. త్వరలోనే సెట్స్ పైకి వెళ్లనున్న ఈ చిత్రంలో నటించే అవకాశం శ్రియకు రావడం ఇప్పుడు టాక్ ఆఫ్ ది టౌన్ గా మారింది. దీంతో ఈ మూవీలో శ్రియ క్యారెక్టర్ ఎలా ఉండబోతుందనే విషయం పై రకరకాల ఊహాగానాలు వినిపిస్తున్నాయి. ముఖ్యంగా బాహుబలి-2 కథని కీలక మలుపు తిప్పే పాత్రలో శ్రియ కనిపించబోతుందని టాక్. అయితే బాహుబలిలో రానా భార్య ఎవరో రివీల్ చేయలేదు జక్కన్న. దాంతో ఆ పాత్రకే శ్రియను సెలెక్ట్ చేశారని వినికిడి. అంతేకాదు ఈ క్యారెక్టర్ లో కొన్ని నెగిటివ్ షేడ్స్ ఉంటాయట. ఏదేమైనా ఈ న్యూస్ నిజమైతే భల్లాలదేవుడి భార్య నెగెటివ్ పాత్రలో శ్రియకు బంపర్ ఆపర్ దక్కినట్టే. చూద్దాం ఈ విషయం పై ఎప్పుడు క్లారిటీ వస్తుందో!

మహేష్‌బాబు జెంటిల్‌మెన్ - శృతిహాసన్

గబ్బర్ సింగ్ చిత్రం సూపర్ హిట్‌తో శృతిహాసన్‌కు తెలుగులో డిమాండ్ పెరిగింది. అప్పటి వరకు చిన్న హీరోల సరసన నటించిన శృతి. ఒక్కసారిగా స్టార్ హీరోయిన్‌గా మారింది. రవితేజ, ఎన్టీఆర్, అల్లు అర్జున్ ఇప్పుడు శ్రీమంతుడు చిత్రంలో మహేష్‌బాబుతో జోడి కట్టింది. ఈ చిత్రానికి కొరటాల శివ దర్శకుడు. ఈ చిత్రం ఆగస్ట్ 7న విడుదలకు సిద్దమైంది. ఈ సందర్బంగా శృతి హాసన్ చిత్ర విశేషాల గుర్చి ముచ్చటించారు. మహేష్‌బాబుతో నటించిన అనుభూతి? మహేష్‌బాబుతో కలసి పని చెయాలని ఎప్పటి నుండో ఉంది. శ్రీమంతుడి చిత్రంతో కలసి పని చేస్తున్నాం. పెద్ద స్టార్ అయినా మహేష్ చాల సింపుల్‌గా ఉంటారు. అందరితో కలసి పోయి అందరికి ఎనర్జీని పెంచుతాడు. సరదాగా ఉంటారు. శ్రీమంతుడు చిత్రం మీకు ఎలా వచ్చింది? దర్శకుడు కొరటాల శివ కథ చెప్పారు. నచ్చింది. కాలేజి స్టూడెంట్ పాత్ర నాది. దర్శకుడు నా పాత్రను తీర్చిదిద్దిన తీరు అద్బుతం. శ్రీమంతుడు లో నా పాత్ర ఎంత బాగుంటుందో చిత్రం చూశాక తెలుస్తుంది. చారుశీల పాత్ర ? చారుశీల పాత్ర చాల సహజంగా ఉంటుంది. చారుశీల పాత్ర డిఫెరెంట్‌గా ఉంటుంది. ఈ పాత్రలో కామెడి ఉండదు. ఆలోచనాత్మకంగా, సున్నిత బావోద్వేగాలతో సాగే పాత్ర ఇది. ఈ చిత్రంలో సొంతంగా పాడలేదే ? సంగీత దర్శకుడు దేవిశ్రీప్రసాద్‌ను అడగాలి. తమిళ్‌లో అవకాశం ఇస్తే పాడాను. శ్రీమంతుడు పాటలు బాగున్నాయి. సూపర్ హిట్ అయ్యాయి. ఆడియో సక్సెస్ అయినందుకు చాల హ్యాపిగా ఉంది. దర్శకుడు కొరటాల శివ గుర్చి చెప్పాండి? దర్శకుడు శివ వ్యక్తిగతంగా చాల కామ్‌గా ఉంటారు. ఆయన చిత్రీకరణ చాల అద్బుతంగా ఉంటుంది. పాత్రల్లో మాత్రం మంచి భావోద్వేగాలు పలికిస్తారు. తనకి కావాలసిన ఔట్ ఫుట్‌ను చాలా చక్కగా రాబట్టుకుంటారు. జగపతిబాబు తో నటించినప్పుడు ఎలా ఉంది? జగపతిబాబు గారు ప్రేండ్లీగా ఉంటారు. ఒక సీనియర్ ఆర్టిస్ట్‌తో పని చెయడం చాల హ్యాపిగా ఉంది. చాల సరదాగా ఉంటారు. ఖాళీ టైమ్‌లో ఏమి చెస్తారు? ఖాళీ సమయంలో టివి చూస్తాను. ఎక్కువగా పుస్తకాలు చదువుతాను, ఫ్రెండ్స్‌తో కాలక్షేపం చేస్తాను. లేడి ఓరియేంటేడ్ చిత్రాలు చేస్తారా? అలాంటిది ఏమి ఉండదు. క్యారెక్టర్ బట్టి పాత్ర ఉంటుంది. ప్రతి సినిమాలో అని మంచి పాత్రలు ఉంటాయి. సినిమా బట్టి ప్రధాన పాత్ర ఉంటుంది తప్ప లేడి ఓరియేంటేడ్ అంటు సినిమాలు ఉండవు. మీ చెల్లితో కలసి నటించే అవకాశం ఉందా? తప్పకుండా ఉంటుంది. ఇద్దరికి సరిపడ మంచి సబ్జెట్ దొరికితే తప్ప కుండా కలసి పని చేస్తాం. నెస్ట్ చిత్రాలు? తెలుగు, తమిళ్, హింది భాషల్లో ప్రస్తుతం బిజిగా ఉన్నాను. మంచి చిత్రం ఏ భాషలో వచ్చినా వదలను.

'జ్యోతి లక్ష్మి' రివ్యూ

-సూర్య ప్రకాష్ జోశ్యుల హీరోయిన్స్ వేశ్య పాత్రలలో తెరపై కనపడటం కొత్తేమీ కాదు కానీ ...పూరి జగన్నాథ్ వంటి స్టార్ డైరక్టర్ చిన్న బడ్జెట్ లో... అదీ హీరోయిన్ ఓరియెంటెడ్ గా, అందులోనూ నవలా ఆధారం గా సినిమా చేయటం అనేది ఈ రోజుల్లో చెప్పుకోదగ్గ విశేషమే...అభినందించాల్సిన సంగతే. అయితే పూరి మేకింగ్ లోనూ, డైలాగులలోనూ చూపిన శ్రద్దను కథ, కథనం, ట్రీట్ మెంట్ లో చూపలేకపోయారు. సినిమాలో ఎత్తుకున్న విషయం పై చర్చ కన్నా సందేశం ఎక్కువైంది. పోనీ ఆ మెసేజ్ అయినా సరిగ్గా అందించారా అంటే పూర్తిగా సినిమాటెక్ లిబర్టీస్ తో నడుస్తూంటుంది. సెకండాఫ్ లో సందేశాలతో కూడిన ఉపన్యాసాలతో విసుగెత్తించారు. ముఖ్యంగా ఛార్మిని హీరో గా మలచాలన్న తాపత్రయంతో ఎత్తుకున్న పాయింట్ ని వదిలి కథని దారి తప్పించారు. శ్వేతాబసు ఉదంతంలో చెలరేగిన కాంట్రావర్శి అయిన... ఆ పారిశ్రామిక వేత్త ఎవరు అనే ఎలిమెంట్ తో సెకండాఫ్ నడిపేద్దామని చూసారు. ముఖ్యంగా మల్లాది వెంకట కృష్ణమూర్తి... 'మిసెస్‌ పరాంకుశం' నవల ని అప్ డేట్ చేసి అందించే ప్రక్రియలో నవలలో చర్చించిన మెయిన్ ఎలిమెంట్ ని వదిలేసి, విలన్ సంహారం, వేశ్యా సంస్కరణ వంటివి హెలెట్ చేసారు. ప్రోమోలు,పోస్టర్స్ చూసి థియోటర్ కు వెళ్లిన వారికి నిరాశనే కలిగించినట్లైంది. ఫేస్‌బుక్ ద్వారా లేటెస్ట్ అప్‌డేట్స్ ఎప్పటికప్పుడు జ్యోతిలక్ష్మి (ఛార్మి) ఓ సెక్స్‌వర్కర్‌. సాఫ్ట్ వేర్ ఇంజినీర్ సత్య(సత్యదేవ్) ఆమెను చూసి ప్రేమలో పడతాడు. ఆమె ఉండే చోటకి రోజూ వెళ్తూ...ఓ రోజు ..ఆమె వద్ద పెళ్లి ప్రపోజల్ పెట్టి...ఒప్పించి బయిటకు తీసుకువచ్చి పెళ్లి చేసుకుంటాడు. మొదట్లో తిక్కగా బిహేవ్ చేసినా తర్వాత సత్య ..నిజమైన ప్రేమకు ఆమె ..అతనితో నిజాయితీగా జీవితం ప్రారంభిద్దామనుకుంటుంది. కానీ ఆమె గత జీవితం ఆమెను వెంబడిస్తుంది. ఆ వ్యభిచార గృహాల (కంపెనీ) రాకెట్ నడిపే...నారాయణ పట్వారీ (అజయ్ ఘోష్) డబ్బు సంపాదించే ఆమెను వదులుకోదలుచుకోడు. అతను చేతిలో పోలీసులు, డబ్బు, రౌడీలు ఉంటారు. అక్కడ నుంచి అసలు కథ మొదలవుతుంది. అంత పరర్ ఫుల్ విలన్ ని ఆమె ఎలా ఎదుర్కుని తన జీవితాన్ని ఎలా నిలబెట్టుకుంది...మిగతా వ్యభిచారుల జీవితాలు సైతం ఎలా నిలబెట్టింది అనేది మిగతా కథ. నవలలో... ఓ సెక్స్ వర్కర్ ని పెళ్లి చేసుకున్న వాడు జీవితం ఎలా నడుస్తుంది...అదే సమయంలో సెక్స్ వర్కర్ ..మామూలు గృహిణిగా ఎలా ఎడ్జెస్ట్ అవుతుంది..చుట్టూ ఉన్న సమాజం సెక్స్ వర్కర్ వివాహాన్ని ఎలా స్వీకరిస్తుంది..మార్పు ని అంగీకరించే ప్రాసెస్ లో ఏ విధమైన ఇబ్బందులు ఆ సెక్స్ వర్కర్ కు పెడుతుంది అనే విషయాలు చుట్టూ తిరుగుతుంది. అయితే పూరి నవలను ఎడాప్ట్ చేసే పక్రియలో వాటిని ప్రక్కన పెట్టేసారు. వృభిచార కంపెనీ నడిపే పాత్రకు, హీరోయిన్ కు మధ్య కథను నడిపాడు. సాధ్యమైనంత యాక్షన్ ని చొప్పించే ప్రయత్నం చేసాడు. దాంతో అటు ఇటూ కాకుండా పులిహారలో చికెన్ బిర్యాని కలిపినట్లైంది. ఫైనల్ గా ... ఈ సినిమాలో పూరి సందేశం ఇచ్చినా నమ్ముకున్నది మాత్రం క్రైమ్ అండ్ సెక్స్ అని స్పష్టంగా అర్దమవుతుంది. అయితే వాటిని కూడా సరిగ్గా కథలో బ్లెండ్ చేయకుండా అవి ఎక్కడ హైలెట్ అవుతాయో అనే డౌట్ తో ...వాటిని సందేశంతో కవర్ చేయాలని ప్రయత్నించాడు. ఆ నిజాయితీ లోపమే సినిమాను ప్రక్కదారి పట్టించింది. బ్రహ్మానందం నుంచి కామెడీ....వేశ్య పాత్రలో ఉన్న ఛార్మి నుంచి శృంగార రసం, హీరో పాత్ర నుంచి హీరోయిజం, పూరి నుంచి పోకిరిలాంటి సినిమా ఎక్సపెక్ట్ చేయకపోతే ఈ సినిమా నచ్చుతుంది. ఈ చిత్రంలో ప్రధానంగా చెప్పుకోవాల్సింది చార్మి నటన. మొదట వేశ్యగా...తర్వాత తనను ఇష్టపడి పెళ్లి చేసుకున్న వ్యక్తి భార్యగా, సమాజంపై తిరగబడే ఆదిపరాశక్తిగా, తన సమస్యను తెలివిగా పరిష్కరించుకునే స్త్రీగా, ఇలా డిఫరెంట్ షేడ్స్ ఉన్న పాత్రలో ఒదిగిపోయి నటించింది. అలాగే...సోషల్ నెట్ వర్కింగ్ సైట్లలో పాపులర్ అయిన భధ్రం కూడా బ్రోకర్ పాత్రలో రాణించారు. ఛార్మిని సపోర్ట్ చేసే రౌడీ కొత్తతను బాగా చేసారు. సినిమాలో ఛార్మి పాత్రమైన సానుభూతి ఎక్కడా కలగదు. ఆ విధంగా సీన్స్ రాసుకోలేదు. దాంతో ఆమె తిరగబడుతున్నా ప్రేక్షకులు ఆమెతో సహాయానుభూతి కలగటం కష్టమై పోయింది. సెటప్ లో ఆ సీన్స్ కరెక్టుగా ఉంటే పేఆఫ్ చేసే క్లైమాక్స్ లో అద్బుతం జరిగేది. ఈ సినిమా లో బ్రహ్మానందం పాత్ర సినిమాకు మరో మైనస్ అని చెప్పాలి. కామెడీ మాట దేవుడెరుగు. జుగుప్స కలిగించింది. బ్రహ్మానందం వంటి కమిడియన్ పై మోతాదు మించిన డైలాగులు పెట్టడం, సీన్లు అల్లటం చేసారు. అలాగే కథకు కీలకమైన పాత్రగా చేయాలని చూడటం రసాభాస ను కలిగించింది. సినిమాకు కీలకమైన సెకండాఫ్ లో పూరి కేవలం యాక్షన్, సందేశం ఈ రెండే నమ్ముకున్నారు. అంతేకానీ కథలో ఉన్న బేసిక్ ఎమోషన్స్ ని రిజిస్టర్ కానివ్వలేదు. వాటిపై చర్చ చేయలేదు. సినిమాటోగ్రఫీ చాలా బాగుంది. సినిమా మారుతున్న మూడ్‌ను సినిమాటోగ్రాఫర్ పీజీ విందా సరిగ్గా క్యారీ చేశారు. ఎడిటింగ్ కూడా పూరి స్టైల్లో స్పీడుగానే నడిచిపోయింది. అసందర్భంగా వచ్చినా.... సునీల్ కశ్యప్ అందించిన సంగీతంలో రెండు పాటలు బాగున్నాయి. ముఖ్యంగా భాస్కరభట్ల రచన టైటిల్ సాంగ్ లో కొత్త పుంతలు తొక్కింది. నేపథ్య సంగీతం ఆకట్టుకునే ఉంది. ధనరాజ్, ఉత్తేజ్, సంపూర్ణేష్ బాబు, నెల్లూరి సప్తగిరి వీళ్లందరినీ క్లైమాక్స్ లో పెట్టారు కానీ రిజిస్టర్ అయ్యేలా కూడా చేయలేకపోయారు. కేవలం ప్రోమోల కోసమే వీరిని తీసుకున్నట్లు అనిపించింది. సినిమాలో ప్రియదర్శిని రామ్...కీలకమైన పోలీస్ పాత్రలో కనిపించారు. చాలా కాలం తర్వాత ఆయన తెరపై మెరిసారు. ఇప్పటికీ ఈ వయస్సులో ఆయన ఫెరఫెక్ట్ ఫిజిక్ మెయింటైన్ చేయటం విశేషం. పాత్రలో లీనమై చేసి సినిమాకు ప్లస్ అయ్యారు. బ్యానర్: సి.కె.ఎంటర్‌టైన్‌మెంట్‌ ప్రై. లిమిటెడ్‌, శ్రీశుభశ్వేత ఫిలింస్‌ నటీనటులు: ఛార్మి కౌర్‌, సత్య, వంశీ, బ్రహ్మానందం, సంపూర్ణేష్ బాబు తదితరులు సినిమాటోగ్రఫీ: పి.జి.వింద, కథ: మల్లాది వెంకట కృష్ణ మూర్తి సంగీతం: సునీల్‌ కశ్యప్‌, నిర్మాతలు శ్వేతలానా, వరుణ్‌, తేజ,సి.వి.రావు, స్క్రీన్ ప్లే, దర్శకత్వం: పూరి జగన్నాథ్‌. సమర్పణ: ఛార్మి కౌర్ విడుదల తేదీ: 12, జూన్ 2015.

'నేనెవరిని' అంటున్న 'బాహుబలి'

ఎట్టకేలకు 'బాహుబలి' ట్రైలర్‌ విడుదలైంది. హిందీలో కరణజోహార్‌ సోమవారం సాయంత్రం విడుదల చేశారు. తెలుగులో ఉదయమే అన్ని థియేటర్లలో ట్రైలర్స్‌ వెళ్ళాయి. కాగా, విలేకరులకు ప్రత్యేకంగా ప్రసాద్‌మల్టీప్లెక్స్‌లో సోమవారంనాడు 4గంటలకు ట్రైలర్‌ చూపించారు. హాలీవుడ్‌ సినిమాను చూసిన రేంజ్‌లో ఆ ట్రైలర్‌ వుంది. డాల్బీ సౌండ్‌లో ఎఫెక్ట్‌గా అనిపించిన ఆ ట్రైలర్‌లో.. బాహుబలి పాత్రధారి ప్రభాస్‌ను ఓ సన్నివేశంలో కొండిపాంతంవారు చూసి గౌరవంగా నమస్కారం చేస్తుంటారు.. వీరంతా నాకెందుకు నమస్కారంపెడుతున్నారు.. అసలు నేనెవర్ని' అంటూ ప్రశ్నిస్తాడు. అమరేంద్రబాహుబలి వంశీయుడువు అంటూ వాయిస్‌ ఓవర్‌ వినిపిస్తుంది. ఇది ఓ రాజవంశానికి చెందిన చరిత్రగా చెప్పేశాడు. అప్పటి కాలంనాటి రాజవంశీయులు బానిన వ్యవస్థలు వంటి నేపథ్యంలో ఈ చిత్రం సాగుతుందని తెలిసింది. తన వంశాన్ని నమ్ముకున్న ప్రజలకు బాహుబలి ఏంచేశాడనేది మొదటిపార్ట్‌గా కన్పిస్తుంది. కాగా, ఈచిత్రం జులై 12న విడదులచేయడానికి యుద్ధ ప్రాతిపదికన సన్నాహాలు చేస్తున్నట్లు తెలుస్తోంది.

'లయన్' 2015 రివ్యూ

సూపర్ డూపర్ హిట్ అయిన సినిమా తర్వాత వచ్చే మూవీ విషయంలో స్టార్ హీరోలు ఎన్నో జాగ్రత్తలు తీసుకోవాల్సి ఉంటుంది. మరీ ముఖ్యంగా 'లెజెండ్' లాంటి కొత్త రికార్డులు సృష్టించిన సినిమా తర్వాత అంటే... ప్రత్యేకంగా చెప్పక్కర్లేదు. మరి నందమూరి బాలకృష్ణ లేటెస్ట్ మూవీ 'లయన్' కు దర్శక నిర్మాతలు ఆ జాగ్రత్తలు తీసుకున్నారా? సమ్మర్ స్పెషల్ గా వచ్చిన 'లయన్' పేరుకు తగ్గట్టు బాక్సాఫీస్ వద్ద గర్జించిందో లేదో తెలుసుకుందాం. కథ విషయానికి వస్తే... ముంబాయిలోని రామ్ మనోహర్ హాస్పిటల్ లో కోమాలో ఉన్న గాడ్సే ఎనిమిది నెలల తర్వాత స్పృహలోకి వస్తాడు. అయితే తాను గాడ్సే కాదని, తన పేరు బోస్ అని చెబుతాడు. అంతేకాదు... తన తల్లిదండ్రుల్ని, భార్యను కూడా గుర్తు పట్టలేకపోతాడు. గానీ నువ్వు మా అబ్బాయివే అంటూ అతని తల్లిదండ్రులు రుజువులు చూపిస్తారు. అయినా నమ్మశక్యం కాని బోస్ తానెవరో తెలుసుకోవడానికి హైదరాబాద్ బయలుదేరతాడు. అక్కడ తన తల్లిదండ్రులను చూసి దగ్గరవుతాడు. కానీ వాళ్ళేమో నువ్వు మా అబ్బాయివి కావంటారు... గాడ్సే అని రూఢీ చేసే ఆధారాలు ఒకవైపు... కాదని మనసు చెప్పే మాట ఇంకోవైపు అతన్ని ఉక్కిరి బిక్కిరి చేస్తుంటాయి. ఇంతలో హైదరాబాద్ లో అతనికి ఊహించని సంఘటనలు ఎదురవుతాయి. ఇక బోస్ విషయానికి వస్తే... మాజీ ముఖ్యమంత్రి అచ్యుత రామయ్య అనుమానాస్పద మృతిపై ఈ సిన్సియర్ సిబిఐ ఆఫీసర్ ఇన్వెస్టిగేషన్ చేస్తుంటాడు. అది ప్రస్తుత ముఖ్యమంత్రి భరద్వాజకు ఏ మాత్రం నచ్చదు. అటువంటి పరిస్థితుల్లో బోస్ అదృశ్యమౌతాడు. మరి... ముంబై హాస్పిటల్ లో కోమాలోంచి బయటకు వచ్చింది గాడ్సేనేనా? లేక బోసా? వీరిద్దరికి అసలు ఏమిటి సంబంధం? ఎవరి పాత్రలోకి ఎవరు పరకాయ ప్రవేశం చేశారు? ఈ చిక్కుముడులను విప్పేదే మిగిలిన సినిమా! స్టార్ హీరో సినిమా కథలో కొత్తదనం లేకపోయినా... కథనం ఆకట్టుకునేలా ఉంటే... తప్పకుండా విజయం సాధిస్తుంది. కానీ ప్రయోగం పేరుతో ట్విస్టుల మీద ట్విస్టులు ఇస్తూ... కొత్తగా చూపాలనుకుంటే పరాజయం తప్పదు. ఓ మామూలు కథను, కొత్తగా చూపించాలనే నూతన దర్శకుడు సత్యదేవ తాపత్రయం ఈ సినిమాకు శాపంగా మారింది. మాస్ ఆడియెన్స్ కోరుకునే అన్ని హంగులకూ నిజానికి ఈ కథలో చోటు ఉంది. దాని మీద ఇంకాస్తంత హోమ్ వర్క్ చేసి ఉంటే 'లయన్' మంచి సినిమానే అయ్యేది. అయితే... డిఫరెంట్ స్ర్కీన్ ప్లే తో తెరకెక్కించాలనే దర్శకుడి ఆలోచన... అనుభవరాహిత్యం కారణంగా ప్రేక్షకుల సహనానికి పరీక్ష పెట్టింది. అయితే బాలకృష్ణ పోషించిన గాడ్సే పాత్ర ఆయన అభిమానులను విశేషంగా ఆకట్టుకుంటోంది. సిబిఐ ఆఫీసర్ బోస్ పాత్రను కూడా అరుపులు, కేకలకు పరిమితం చేయకుండా ఇంకాస్త పకడ్బందీగా చేసి ఉండాల్సింది. బాలకృష్ణ సరసన తొలిసారి హీరోయిన్ గా నటించి త్రిష కేవలం గ్లామర్ డాల్ గానే మెప్పించింది. ఇక రాధికా ఆప్టేకు ఉన్న అవకాశం తక్కువే. ప్రతినాయకులుగా ప్రకాశ్ రాజ్, ప్రదీప్ రావత్ బాగానే నటించారు. పోసాని కనిపించేది కాసేపే అయినా తనదైన మేనరిజంతో మెప్పించాడు. మిగిలిన నటీనటులంతా పాత్రల పరిధి మేరకు చేశారు. చాలాకాలం తర్వాత బాలకృష్ణ సినిమాకు సంగీతం సమకూర్చిన మణిశర్మ బాణీలు ఏమంత ఆకట్టుకోలేదు. అయితే నేపథ్య సంగీతంతో చాలా సన్నివేశాలకు ఆయన జీవం పోశారు. సీనియర్ ఎడిటర్ గౌతంరాజు మరి కాస్తంత చొరవ చూపి అన్ వాంటెండ్ సీన్స్ కు కత్తెర వేయాల్సింది. రంపచోడవరంలో చిత్రీకరించిన పోరాట సన్నివేశం సినిమాకు స్పెషల్ అట్రాక్షన్ గా నిలిచింది. ఆ క్రెడిట్ రామ్ లక్ష్మణ్ కు దక్కుతుంది. ఈ సినిమాలో ప్రేమ సన్నివేశాలే కాదు... కామెడీ సైతం పండకపోవడం ప్రధానమైన లోటు. స్వతహాగా బాలకృష్ణ అభిమాని అయిన నిర్మాత రుద్రపాటి రమణారావు ఖర్చుకు వెరవకుండా 'లయన్'ను నిర్మించారు. అందువల్ల తెర మీద ప్రతి సన్నివేశం గ్రాండ్ గా ఉంది. గాడ్సేగా బాలకృష్ణ అభినయం, ఆయన చెప్పిన పంచ్ డైలాగ్స్ నందమూరి అభిమానులకు ఊరటనిస్తాయి. 'సింహా', 'లెజెండ్' వంటి బ్లాక్ బస్టర్స్ తర్వాత వచ్చే ఏ సినిమా అయినా పోలికకు గురి అవుతుంది. దీనిని దృష్టి లో పెట్టుకుని మరిన్ని జాగ్రత్తలు తీసుకోవాల్సింది. కానీ అలాంటి ప్రయత్నం చేసినట్టు కనిపించదు. ఏతావాతా 'లయన్' బాలకృష్ణ మార్కు సినిమా అని చెప్పొచ్చు! రేటింగ్...3/5