రెండు కొత్త ప్లాన్‌లను లాంచ్ చేసిన రిలయన్స్ జియో - బెనిఫిట్స్ ఇవే

 

 ప్రముఖ టెలికం సంస్థ రిలయన్స్ జియో ( Reliance Jio ) కొత్తగా రెండు ప్రీపెయిడ్ ప్లాన్‌లను తీసుకొచ్చింది. సుదీర్ఘ వ్యాలిడిటీతో డేటా కావాలనుకునే యూజర్ల కోసం వీటిని ప్రవేశపెట్టింది. వర్క్ ఫ్రమ్ హోమ్ ప్లాన్స్ (Work From Home Plans) కేటగిరీలో జియో కొత్తగా రూ.2,878, రూ.2,998 ప్లాన్‌లను తీసుకొచ్చింది.
ఈ రెండు కేవలం డేటా ప్యాక్స్ మాత్రమే. కాల్స్, ఎస్ఎంఎస్ బెనిఫిట్స్ ఉండవు. ప్రస్తుతం ఉన్న బేస్ ప్లాన్‌కు అదనంగా డేటా కావాల్సిన వారు ఈ ప్లాన్‌లను ఎంచుకోవచ్చు. ముఖ్యంగా వర్క్ ఫ్రమ్ హోమ్ చేస్తున్న వారిని ఉద్దేశించి Jio వీటిని ప్రవేశపెట్టింది. రూ.2878, రూ.2998 ప్లాన్‌ల బెనిఫిట్స్ ఇవే.


Reliance Jio రూ.2878 ప్లాన్‌
జియో కొత్తగా తీసుకొచ్చిన రూ.2878 ప్లాన్‌తో రీచార్జ్ చేసుకుంటే 365 రోజుల వ్యాలిడిటీతో రోజుకు 2జీబీ డేటా లభిస్తుంది. అంటే మొత్తంగా 730జీబీ డేటా దక్కుతుంది. రోజులో 2జీబీ హైస్పీడ్ డేటా అయిపోతే ఆ తర్వాత 64కేబీపీఎస్ వేగంతో ఇంటర్నెట్ వాడుకోవచ్చు. ఈ ప్లాన్‌కు ఎస్ఎంఎస్, కాల్స్ ప్రయోజనాలు ఉండవు.
Also Read: డిస్నీ+ హాట్‌స్టార్ సబ్‌స్క్రిప్షన్ ఉచితంగా లభించే జియో ప్లాన్‌లు ఇవే

Reliance Jio రూ.2998 ప్లాన్‌
జియో రూ.2998 ప్లాన్‌ను తీసుకుంటే 365 రోజుల వ్యాలిడిటీతో రోజుకు 2.5జీబీ డేటా దక్కుతుంది. అంటే మొత్తంగా ఈ ప్లాన్‌తో 912.5జీబీ డేటా లభిస్తుంది. రోజులో 2.5జీబీ డేటా అయిపోతే స్పీడ్ 64కేబీఎస్‌కు తగ్గుతుంది. ఇది కూడా డేటా ప్యాక్ కావడంతో కాల్స్, ఎస్ఎంఎస్ బెనిఫిట్స్ ఉండవు.

బేస్ ప్లాన్‌కు డైలీ డేటా బూస్ట్‌గా ఈ ప్లాన్‌లు ఉపయోగపడతాయి. వర్క్ ఫ్రమ్ హోమ్ చేసే వారికి ఈ ప్లాన్‌లు ఉపయోగపడేలా ఉన్నాయి. ఒకవేళ బేస్ ప్లాన్‌ వ్యాలిడిటీ ముగిసినా.. ఈ వర్క్‌ఫ్రమ్ ప్లాన్‌లు యాక్టివ్‌గానే ఉంటాయి.

ఈ రెండు కొత్త ప్లాన్‌లు రిలయన్స్ జియో అధికారిక వెబ్‌సైట్‌తో పాటు మైజియో యాప్‌లో లిస్ట్ అయ్యాయి. కాగా జియో మరిన్ని వర్క్ ఫ్రమ్ ప్లాన్‌లను కూడా అందిస్తోంది.