ప్రభుత్వ ఆధ్వర్యంలో గల బిఎస్ఎన్ఎల్ బ్రాడ్‌బ్యాండ్ విభాగంలోని ఆఫర్ల
విషయంలో ఇతర ఆపరేటర్ల కంటే ఎల్లప్పుడూ ముందుంటుంది. ఇండియాలో ప్రస్తుతం
కరోనావైరస్ వ్యాప్తి ఉండటం వలన అన్ని రకాల సంస్థలు తమ ఉద్యోగులను ఇంటి
నుండి పనిచేయవలసిందిగా ఆదేశాలను ఇచ్చాయి. ఇంటి వద్ద నుండి పనిచేసే వారిని
ప్రోత్సహించడానికి బిఎస్ఎన్ఎల్ ISP ఉచితంగా 'వర్క్ @ హోమ్' అనే
బ్రాడ్‌బ్యాండ్ కొత్త ప్లాన్ ను ప్రవేశపెట్టింది.
అండమాన్ & నికోబార్ సర్కిల్‌తో సహా అన్ని సర్కిల్‌లలో BSNL యొక్క
వర్క్ @ హోమ్ ప్లాన్ అన్ని వినియోగదారులకు ఉచితంగా అందించబడుతోంది. అయితే
BSNL నుండి ఈ క్రొత్త సమర్పణతో ఒక కండిషన్ ఉంది. ల్యాండ్‌లైన్ కనెక్షన్
ఉన్న ప్రస్తుత బిఎస్ఎన్ఎల్ వినియోగదారులు మాత్రమే ఈ ప్లాన్ ను ఉచితంగా
పొందవచ్చు. ఈ ప్లాన్ యొక్క ప్రయోజనాల విషయానికి వస్తే ఇది 5GB రోజువారీ
డేటాను 10 Mbps వేగంతో మరియు ఆ తరువాత 1 Mbps వేగంతో అపరిమిత డేటాను
అందిస్తాయి. BSNL యొక్క వర్క్ @ హోమ్ బ్రాడ్‌బ్యాండ్ ప్లాన్ యొక్క
ప్రయోజనాలు మరియు యాక్సిస్ గురించి మరిన్ని వివరాలు తెలుసుకోవడానికి
ముందుకు చదవండి.
BSNL వర్క్ @ హోమ్ ప్లాన్ వినియోగదారులకు 5GB రోజువారీ డేటాను 10 Mbps
వేగంతో అందిస్తుంది. ఈ 5GB డేటా అయిపోయిన తరువాత 1 Mbps వేగంతో అపరిమిత
డేటాను అందిస్తుంది. FUP పరిమితి తక్కువగా ఉంది మరియు సంస్థ అందించే వేగం
కూడా కొందరిని ఆకట్టుకోలేదు. ఏదేమైనా సంస్థ ఉచితంగా ఈ ప్లాన్ ను
అందిస్తోంది. దీనిని పొందడానికి ఎటువంటి నెలవారీ ధర మరియు భద్రతా డిపాజిట్
చెల్లించవలసిన అవసరం లేదు.
