సోషల్ మీడియా దిగ్గజం ఫేస్‌బుక్ యాజమాన్యంలోని ఫోటో షేరింగ్ యాప్ ఇన్‌స్టాగ్రామ్ వినియోగదారుల కోసం ఒక కొత్త ఫీచర్‌ను విడుదల చేసింది.
ఇన్‌స్టాగ్రామ్ లైవ్ రూమ్స్ అనే పేరుతో ఈ ఫీచర్‌ను ప్రారంభించింది, దీని సహాయంతో నలుగురు వ్యక్తులను ఒకేసారి లైవ్ ప్రసారంలో చేర్చవచ్చు. ఇన్‌స్టాగ్రామ్ లోన ఈ కొత్త ఫీచర్ క్లబ్‌హౌస్‌తో సమానంగా ఉంటుంది. ఇన్‌స్టాగ్రామ్ లైవ్‌లో ఒక యూజర్ ని మాత్రమే చేర్చే ఫీచర్ ఇంతకు ముందు ఉండేది.
ఇన్‌స్టాగ్రామ్ కొత్త ఫీచర్ సహాయంతో వినియోగదారులు ఒకరికొకరు మాట్లాడుకోవచ్చు. అంతే కాకుండా మీరు ఏదైనా ట్యుటోరియల్ కూడా నిర్వహించవచ్చు. ఇన్‌స్టాగ్రామ్ లైవ్ రూమ్స్ చాలా మంది కంటెంట్ క్రియేటర్స్ కి ఎంతో ఉపయోగపడతాయి.
ఇన్‌స్టాగ్రామ్ క్రొత్త ఫీచర్ ఎలా పని చేస్తుంది ఇన్‌స్టాగ్రామ్‌లో లైవ్ రూమ్‌ను ఉపయోగించడానికి మీరు ఎడమవైపు స్వైప్ చేసి తరువాత లైవ్ కెమెరా ఆప్షన్ పై క్లిక్ చేయండి. దీని తరువాత టైటిల్ ఎంటర్ చేసి మీరు చాట్ రూమ్స్ సింబల్ పై క్లిక్ చేయాలి.
ఆ తరువాత మీతో లైవ్ లోకి రావటానికి రిక్వెస్ట్ చేసిన వ్యక్తులను మీరు చూస్తారు. ఇది కాకుండా మీరు సెర్చ్ ద్వారా ఎవరినైనా లైవ్ ప్రసారం చేయవచ్చు. మీరు బ్రాడ్‌కాస్టర్ అయితే ముగ్గురు వ్యక్తులతో కలిసి లైవ్ ప్రసారం చేయవచ్చు.
