మీరు టీవీలో మీకు ఇష్టమైన సీరియల్ చూస్తున్నారు. మధ్యలో సిగ్నల్ పోయింది. వర్షాకాలంలో ఇలాంటి సమస్యలు తరచుగా వస్తుంటాయి. కానీ కొన్ని సందర్భాల్లో దీనిని నివారించవచ్చు. DTH సిగ్నల్‌ని ఎలా మెరుగుపరచాలో తెలుసుకుందాం..
వర్షాకాలంలో డీటీహెచ్‌ (డైరెక్ట్-టు-హోమ్) సిగ్నల్ బలహీనంగా ఉంటుంది. ఎందుకంటే మేఘాలు, వర్షం, గాలి సంకేతాలను ప్రసారం చేయడం కష్టతరం చేస్తాయి. ఈ సమస్య ముఖ్యంగా భారీ వర్షం లేదా తుఫాను వాతావరణంలో సంభవిస్తుంది. దీనిని "రైన్ ఫేడ్" అంటారు. దీని కారణంగా టీవీ ఛానెళ్లను స్తంభింపజేస్తుంది. ఈ సమస్యను ఎదుర్కోవటానికి మీరు అనుసరించగల కొన్ని సాధారణ పద్ధతులు ఉన్నాయి.
కవర్‌తో కప్పేయండి: DTH డిష్‌ను గొడుగుతో లేదా వర్షంలో తడకుండా కప్పేయండి. వర్షం నేరుగా పడటం సిగ్నల్‌లను ఎక్కువగా ప్రభావితం చేస్తుంది. అందుకే డీటీహెచ్‌ డిష్‌పై గొడుగు లేదా ఏదైనా కవర్‌తో కప్పడం మర్చిపోవద్దు. దీని కారణంగా, నీరు నేరుగా డిష్‌పై పడదు. సిగ్నల్ నాణ్యత బాగుంటుంది. ఇలా చేస్తున్నప్పుడు, గొడుగు లేదా కవర్ కప్పడం వల్ల సిగ్నల్స్‌కు ఎలాంటి ఆటంకం కలిగించదు.
డిష్ ఎలివేషన్, కోణాన్ని సరి చేయండి: నిరంతర వర్షం కారణంగా సిగ్నల్ సమస్య కొనసాగితే, DTH డిష్ ఎత్తు, కోణాన్ని తనిఖీ చేయండి. డిష్ సరైన దిశలో ఉంచినట్లయితే, వర్షం సమయంలో కూడా సిగ్నల్ మెరుగ్గా ఉంటుంది.
సిగ్నల్ బూస్టర్‌ని ఉపయోగించండి: సిగ్నల్ బూస్టర్ అనేది బలహీనమైన సిగ్నల్‌లను పెంచడం ద్వారా మీ డీటీహెచ్‌ సిస్టమ్‌ను మెరుగుపరిచే ఒక రకమైన పరికరం. మీరు దానిని కొనుగోలు చేసి, ఇన్‌స్టాల్‌ చేసుకోవచ్చు. తద్వారా వర్షాల సమయంలో సిగ్నల్ సమస్యలు తగ్గుతాయి.
డిష్‌ని రెగ్యులర్‌గా శుభ్రం చేయండి: డిటిహెచ్ డిష్‌ని ఎప్పటికప్పుడు శుభ్రం చేయడం ముఖ్యం. దుమ్ము, మట్టి, నీరు చేరడం సిగ్నల్ నాణ్యతను కూడా ప్రభావితం చేస్తుంది. శుభ్రం చేస్తుండటం వల్ల మెరుగైన సంకేతాన్ని అందుకుంటుంది.
వాటర్‌ఫ్రూఫింగ్ కూడా ఒక ఎంపిక: కొంతమంది డీటీహెచ్‌ సర్వీస్ ప్రొవైడర్లు వాటర్‌ప్రూఫ్ డిష్ కవర్ల సౌకర్యాన్ని కూడా అందిస్తారు. ఈ కవర్ వర్షం సమయంలో నీటిని దూరంగా ఉంచడంలో సహాయపడుతుంది. సిగ్నల్ నాణ్యతను మెరుగుపరుస్తుంది. ఈ ఉపాయాన్ని అనుసరించడం ద్వారా మీరు వర్షాకాలంలో కూడా DTH సిగ్నల్‌ను మెరుగుపర్చుకోవచ్చు. ఎటువంటి సమస్య లేకుండా వినోదాన్ని ఆస్వాదించవచ్చు.
